New post

Ég man það einsog gerst hefði í gær þegar árið 1987 gékk í garð. Þá komu sprengjurnar aftur niður í fallhlíf og ég hikaði ekki við að hlaupa kílómeter eða tvo til að endurheimta brenndan öskupung brosandi út að eyrum.... Þetta voru ansi góðir tímar. Almennilegur vetur úti, fullorðna fólkið ekki í einhverju bjórgutli og náttúrulega Duran Duran. Ég reyndar snobbaði fyrir blindum píanóleikara og nördin héldu ekki vatni yfir Wham. Gott ef ég fékk ekki Cocktail-kassettuna í skóinn.
Aðal jólagjöfin var fótanuddtæki og ferðakassettutæki. Ég man ekki betur en að skaupið hafi verið magnað þetta ár. Machintosh konfektið var í sínum gamla búningi, töluvert betra en það rusl sem selt er í dag.... Gos var selt í 1,5 ltr. glerflöskum þannig að ekkert óbragð var af drykkjum þess tíma.. Don´t worry, be happy hljómaði töluvert betur í forláta kassettutækinu en electrónískt rusl gerir í gljáfægðum iPodnum nú á dögum.
Í dag tuttugu árum síðar hafa tímarnir nefninlega aldeilis breyst.. Bubbi Morthens valsar um sem virtur maður og Madonna er orðin móðir. Fólk rétt stingur tungunni í rauðvínið sitt á milli þess sem það talar í farsímann sinn skítandi uppá bak í öllu sem skiptir máli og er bara yfir höfuð hund leiðinlegt...??? Í dag ertu ekki maður með mönnum nema hafa fíkniefni á ferilskránni og helst með meiraprófið í einhverjum tölvuleik sem er svo öflugur að þú getur alveg eins lifað í gegnum hann.....
Ég þekki einn í eldri kanntinum sem henti skólatöskunni sinni á eldhúsborðið sex ára gamall og sagðist ekki nenna þessu kjaftaði: "ég er farinn á sjóinn" sagðann og móðirin sá víst eftir kauða niðrá höfn.... Sá hinn sami er búinn að hanna útivistarsvæði, gera út á síðutogurum, verja okkar æðstu pósta og allt sem hugurinn girnist. Líklegast er ég búinn að tapa þræðinum, býð því gleðilegt ár og sendi áramótakveðju fyrir árið -----2007-----

Næturvörðurinn