Diddilove

Það er fátt um fína drætti hér á þessum miðli. Ástæðan er einföld, ég er að vinna í mínum innri manni. Hjólaði í jóga í vikunni, tók pólskan samstarfsmann minn í útsýnisflug og gaf töluvert fé til góðgerðamála. Fyrir vikið líður mér vel. Betur en þegar sveif á mig á mínu fyrsta fylleríi. Nú er barað kíkja í kirkju í fyrramálið og heyra hvað messa veitir manni. Sjálfssagt unað...!
Glaðari manneskju en þessa 46 ára pólsku konu sem ég flaug með hef ég ekki séð. Vegna óframfærni og undirgefni ætlaði ég ekki að fá hana til að trúa því að þetta gæti átt sér stað. Konan hreinlega skammast sín fyrir að vera til, ber gríðarlega virðingu fyrir mér og vinnur einsog maskína fyrir lágum launum. Húðin í andliti hennar rifnaði hreinlega þegar við svifum yfir Breiðholtið en líklega hefur hún ekki brosað svo árum skiptir. Þessar pólsku eru nefninlega ekki einsog þær asísku sem brosa sífellt.

En ekki gef ég aðeins. Góðvinur minn Diddi hringdi í mig seint á miðvikudagskvöldi og bauð mér í mat á föstudagskvöld. Sounds good sagði ég og þáði gott boð. Var reyndar pínku svekktur að geta ekki fengið mér í glas með matargestum vegna næturvinnu sama kvöld. Það var svolítið mikið að gera þennan dag og ég barðist við tímann til að geta komið tímanlega til Didda (hann býr á holtinu í Hafnarfirði einsog allir vita). Reyndar er Diddi frægur fyrir að taka lífinu með ró á kvöldum sem þessum þannig að þegar klukkan var um 19.30 lagði ég í hann pínku seinn ný sturtaður og vel lyktandi, með tvo Thor-bjóra í poka og drullusvangur eftir busy dag. Á leiðinni til Didda var ég að pæla í því hverjum Diddi hefði boðið. Ég tók nefninlega þá ákvörðun að vita ekkert um gestalistan enda gat henn ekki klikkað að mínu viti. Nöfn einsog Jói roscop, Kristinn Páll, Hössi, Hrannar og Sigrún hljóma ágætlega í mínum kolli. Þegar til Didda var komið brá mér örlítið. Ég vissi að drengurinn er rólegur en þarna var ekkert í gangi. Hann á nærbuxunum einum klæða með rettu en annars ósköp sællegur eitthvað. Inni í annars snotri íbúðinni voru engin ummerki um gleðskap, hvað þá matarboð. Diddi talaði um að Hrannari hefði seinkað á leið sinni frankfurt-keflavík og sagðist svo hafa hringt í Reykinn uppá Fridays ferð að gera. Líklega gleymdist að hafa samband við Næturvörðinn en eins gefandi og hann er orðinn að þá tók ég þá ákvörðun (í skyndi) að vera bara hinn hressasti. Eftir stutt spjall komst ég að því að garnirnar gauluðu í drengnum og reyndist það vera lykillinn að kvöldinu mínu. Hann dreif sig úr nærbuxunum og í sturtu. Stefnan var sett á Fridays þar sem Diddi ætlaði að kynna mig fyrir feikifínum rifjum einsog hann orðaði það. Í Smáralind reyndist vera lokakvöld Idolsins. Það var jákvætt því stemmningin var fín á staðnum en samt ekki mikil bið. Við borðuðum einsog villimenn nema hvað að rifin voru ekki jafn góð og oft áður samkvæmt Didda. Ögn af öli var drukkið og líðanin var góð en hún átti bara eftir að batna því heimili Reyksins var næsti viðkomustaður. Reykurinn fræddi okkur Didda um markaðsmál og sölumennsku. Ég lærði töluvert af þessu en Diddi virtist vita allt um þessi mál og kom oft með góð innlegg í fyrirlestra Reyksins sem fengu mann til að sjá að Diddi sat greinilega ekki aðgerðalaus við nám sitt í Evrópu á sínum tíma. Sæll og glaður eftir öll herlegheitin rúllaði ég niður á bækistöðvar næturvarðar og fattaði það ekki fyrr en löngu síðar að ég hafði brosað út að eyrum alla nóttina.

Siðustu daga hef ég verið að horfa á Masters mótið í golfi. Einsog golf er nú skemmtileg íþrótt að þá verður ekki það sama sagt um áhorfið. Kylfingar eru andskotanum leiðinlegri. Jú jú, eflaust eru þeir fínir sumir hverjir en með hverjum á maður að halda þegar þeir eru allir eins? Á maður að fara eftir derhúfunum eða göngulaginu. Reyndar að Þá er einn helvíti nettur. Nafn hans er John Daly og er þar um ansi skrautlegan mann að ræða. Nenni ekki að fara ofaní saumana á hans málum en Bakkus hefur spilað stóra rullu í hans lífi. hann er högglengstur, ljótastur og asnalegasti golfarinn. Hann hefur tvisvar unnið stórmót en er því miður ekki að finna sig síðustu misseri. Ég mæli með því að þú reynir að taka eftir John. Reyndar get ég skilið menn einsog Lárus sem heldur með Dananum T. Bjorn vegna veru sinnar í Danmörku. skýringu á Tiger Woods aðdáun hef ég ekki.

Bellamy gerði það gott í dag sem kemur johnny og Diddalove vel. Enginn veðjar á Crouch og R. Keane fær ekki athygli margra. Morgundagurinn er ansi skemmtilegur í boltanum þannig að ég býst við að rölta beint á barinn frá kirkjunni. Góða nótt og munið að það er betra að gefa en þyggja.