Hver er maðurinn???

Jú jú þið standið ykkur vel. Ég býst við að þessi sé ögn erfiðari en er þó ekki viss. Tel svosem lítið vit í því að hafa þetta e-ð rosa erfitt. Ásta fékk eitt comment í gær við myndina af sér og svo eitt niðrandi um sig við liðinn spurning, þótti mér það miður.
Það er kannski að ég skerpi aðeins á reglunum hér.
Nr. 1 Ágiskanir eru einungis leyfðar tvisvar við hverja spurningu áður en að vísbending er gefin út en þá má viðkomandi reyna aftur og það tvisvar.
Nr. 2 Ágiskun má einungis eiga sér stað eftir klukkan 09.00 daginn sem spurningu er varpað í loftið.
Nr. 3 Við ágiskun skal EKKI notast við veraldarvefinn.
Nr. 4 Ágiskun undir dulnefni ógildar spurningu og verður sá er ranglega fór með kenni sitt fundinn með þeim leiðum sem þurfa þykir.
Brot á reglum gefur næturverði vald til að dæma eftir eigin höfði en mun þó ávallt dæma eftir svokölluðum brotastuðli sem ekki verður gefinn upp að svo stöddu.
Jæja, látið á eigin visku/fávisku reyna en munið að virða sanngirnistímamörkin sem gefin voru út í lið tvö hér að ofan. Gangi ykkur vel.

Staðan í leiknum að loknum tveimur spurningum er þannig að Hrannar hefur eina medalíu og Sigurður eina. Vonandi fáum við fleiri keppendur í þessa eitruðu keppni en vil ég óska Sigurði til hamingju með innsæi gærdagsins en ég verð þó að viðurkenna að eilítið forskot hafði hann vegna sjómennsku á Síldeynni og hefur ugglaust komið ósjaldan að landi í Grindavíkurhöfn.